10月18日（星期六）去大学城中山大学参加“亚运英语之星”比赛的复赛。参加呢个比赛的初衷系希望可以入到复赛，做亚运志愿者。既然现在入到复赛，目的已经达成，能不能成为最后十强我都唔系好mind。我担心的系我上到台会唔会讲唔出野，如果系，咁就真系disaster了。我抽签抽到下午比赛。好彩唔系上午，因为前一晚加班成11点先翻到屋企，而且可以趁上午少少时间再准备一下。

    我的亲友团只有灰灰同mila，距地山长水远去到大学城，仲带埋爱心蛋糕同奶茶，惊我口渴肚饿，让我感动了好一阵子。

    我下午第19号出场，坐在选手区等，唔紧张就怪，尤其是前面两个选手都完全screw up，上到台完全唔知讲咩。我心林，死喇，我会唔会好似佢地咁噶。不过后面的选手一个比一个厉害。唯一一个老外选手Alberto（我之前在工作中就已经认识佢。之前在初赛的时候见到佢接受媒体访问，仲以为佢来做评委，点知原来来参赛。）太引人瞩目，拿到最高分完全是在意料之中。好似灰灰话咁，佢完全知道中国人的心理。

比赛包括三分钟的prepared speech，两分钟即席演讲，同埋两条广州及常识问答。我上到台之后，无我想象中咁紧张，只系觉得d 灯光好炫眼，咩都睇唔到。我顺利咁背晒自己的
prepared speech。跟住的即席演讲只讲了一分多钟，问d咩唔系好记得。后来的常识问答题目第一条问“Who is the secretary of Guangzhou?” 我林左林，Secretary系咩意思啊？书记还是秘书长呢？朱小丹还是张广宁呢？后来我答朱小丹，好彩，岩左。第二条问题，问广州英文的旧称系咩，相信好多人都知道。系度比你地估下，唔讲答案。我的即席演讲同埋常识题目都算简单，有d人的题目简直连睇都睇唔明。

    落场之后，我去搵我的亲友团，大家一起听完我的分数，得81.44分，还算可以喇，不过我知道有点危险。因为六十个选手只挑选10个入决赛。而我当时的分数大概是下午比赛完20个选手里面排第4。听完分数后，三个系会场外面的五只羊吉祥物度影影相。

     之后，佢地返去先，我继续等到比赛结束之后先走。

    之后我入翻去继续睇埋其他人，我后面的还有一两个劲人。所以我就无份入决赛喇，果三千蚊奖金都冻过水。不过可以系2010年做亚运志愿者都系一个唔错的机会喇。比赛完之后，所有比赛选手都上台领奖状，仲有一个吉祥物公仔做纪念品。后来我问评委之一的谢睿师姐，叫佢俾意见。佢话我太calm太斯文，唔够passionate。我本来就唔系full of passion的人，再加上我都已经是“老鸟”了，还有什么passion可言呢。

详情请留意广州电视英文频度每晚8点半播出的复赛片段。